സഹചാരി
ഞാനിതൊക്കെയാണെന്ന് പറഞ്ഞിട്ടും
എന്നെ വിട്ടുപോകാതെ നീ അടുക്കുന്നതെന്തേ?
ഇനി നിന്നെ ഞാന്‍ എന്തു പറഞ്ഞ്- പറിച്ചെറിയും?
ഇനിയൊരുവേള പറിച്ചെറിഞ്ഞെന്നാകിലും
അതൊരു ചങ്ക് പിളര്‍ക്കും നോവാവില്ലെ?
കൂടെ വരരുതെന്നു പറഞ്ഞു പലവട്ടം
പക്ഷേ നീയെന്റെ നിഴലായി മാറി
കാണരുതെന്നു പറഞ്ഞു പലവട്ടം
പക്ഷേ നീയെന്റെ കണ്ണാടിയായി മാറി
വിളിക്കരുതെന്നു പറഞ്ഞു പലവട്ടം
പക്ഷേ നീയെന്റെ നാദമായി മാറി
അങ്ങിനെ ഊന്നുവടിയായും, മിന്നാമിന്നിയായും
നീയെന്നിലലിയാന്‍ ശ്രമിക്കുന്നതെന്തേ?
ഇനി എന്തു പറഞ്ഞ് ഞാന്‍ നിന്നെ പറിച്ചെറിയും
